Kortversjonen

  • Me jobbar aktivt med å fremja openheit og tillit i prosessane våre i Barneverns- og helsenemnda. For å sikra høg rettstryggleik og likeverdig saksbehandling, gjer me relevant informasjon tilgjengeleg for offentlegheita. Rundt 20 % av alle vedtak blir publisert på Lovdata, og me legg ut retningslinjer og rettleiarar på nettsidene våre.
  • Me rapporterer regelmessig om verksemda vår gjennom årsrapportar og statistikk, og samarbeider med Bufdir om publisering av statistikk knytt til tvangsvedtak. I tillegg arrangerer me fagmøte og opne dagar for å gi innsyn i arbeidet vårt og prosessane våre.
  • Tillitsbygging er sentralt for oss, og me jobbar for å vera opne og tilgjengelege der det er mogleg, samtidig som me varetek personvernet til barn og foreldre.

 

Samandraget er laga ved hjelp av kunstig intelligens (KI) og kvalitetssikra av Barneverns- og helsenemnda.

 

 

 

 

Tilgjengelig Informasjon

Me sørgjer for at all relevant informasjon om prosessane og avgjerdene våre er lett tilgjengeleg for dei som er ramma og for offentlegheita. Me legg ut ca. 20 % av alle vedtak som fattast i nemndene på Lovdata. På nettsidene våre, finn du retningslinjer og rettleiarar for saksbehandlinga, og dessutan nyttig informasjon om til dømes saksgang, og sakstypar og barns medverknad og vanlege spørsmål for deg som skal møta i nemnda.

Regelmessig rapportering

Me rapporterer regelmessig om verksemda vår og resultata våre. Dette inkluderer publisering av årsrapportar og andre relevante dokument som gir innsikt i arbeidet vårt og prioriteringane våre. Me publiserer også statistikk til mellom anna forskingsprosjekt, analysar og media. Me samarbeider med Barne-, ungdoms- og familiedirektoratet (Bufdir) om publisering av statistikk som omhandlar tvangsvedtak etter barnevernslova.

Fagmøte

I november 2024 hadde me eit internt fagmøte om openheit og innsyn i nemndene. Korleis kan omsynet til offentlegheit tilpassast personvernet til barn og foreldre? Tilrådingane i den nye rettleiaren vår vart presentert, og me fekk høyra viktige perspektiv frå Ingunn Røren og Anne Marte Moland i Aftenposten, Gloria og Mathea i Forandringsfabrikken, og Vidar Strømme i NIM - Noregs institusjon for menneskerettar. Her kan du lesa rettleiaren vår for nemndleiarar.

Open dag i nemndene

I januar 2025 hadde me gjennomføra Open Dag i alle nemnder rundt om i landet. Med ønske om meir openheit rundt det viktige samfunnsoppdraget vårt, vart lokale politikarar, lokal media, og f. eks kommunal barnevernsteneste, fagkunnig og sakkunnig med fleire inviterte til oss. Me opna dørene til lokala våre, som på grunn av teieplikt normalt er stengde for offentlegheit og presse. Me ønskjer å gi eit innblikk i saksbehandlinga vår og problemstillingar som nemnda må ta stilling til. Me viste filmar om våre saksbehandlingsformer, gav ei omvisning i lokala våre og høyrde interessante innlegg frå Marit Skivenes, Stine Sofies Stiftelse og Barneombodet.

Våre verdiar

Tillit er essensielt for å skapa gode prosessar og legitime avgjerder. Me oppnår dette gjennom dialog og kommunikasjon som inviterer til tillit, både internt i nemnda og eksternt med dei me tener. Tillit gir behandlinga og avgjerdene våre legitimitet og forsvarlegheit.
Openheit betyr for oss å vera opne og tilgjengelege utetter på dei områda der me kan vera det, som prosessane våre og måten me jobbar på. Me trur på å kunna ta opp vanskelege saker og tema internt utan frykt for konsekvensar. Dette forhindrar uønskte hendingar og tilsløring av kritikkverdige forhold. Openheit er også nært knytt til tillit, då det skaper ein transparent og forståeleg prosess for alle involverte partar.
Respekt inneber å visa høflegheit og empati for alle aktørar og partar i ei sak. Me anerkjenner forskjellighet og mangfald, og viser omsorg og aksept for arbeidet til andre. Respekt betyr også lojalitet overfor avgjerder og oppdrag, noko som styrkjer samarbeidet og forståinga mellom alle involverte.
Les meir om visjonen vår her.